Digitale bakgrunnar til Beatles-korkonsert

Laurdag 20. oktober hadde Ervingen blandakor frå Hovdebygda ei oppsetjing beståande av Beatles-songar på Ørsta kulturhus. Elevar med valfaget Grafisk design på MK ved Volda vgs fekk i oppdrag å lage digitale bakgrunnar til kvar låt.

* Foto: Roy Arne Folkestad, Møre-Nytt.

Instruksen var som følgjer:

«Høyr på låtane dine, studere tekstane, og prøv å visualisere tekstinnhaldet, stemninga eller tematikken.»

Resultatet vart slettes ikkje verst, med tanke på kor lite tid elevane hadde på dette prosjektet. Tilbakemeldingane frå både Ervingen blandakor og publikum var i alle fall særs gode, og sette ein prikk over i-en på dei elles svært vellukka framsyningane.

* Elevane i 2MK1 som står bak bakgrunnane. Bak frå venstre: Daniel Pilskog Homberset, Øystein Nyhammer, Jasper Grenager Longva, Anker Alexander Bugge, Håkon Følsvik. Framme frå venstre: Madeleine Vatne Viddal, Amanda Holstad Ramstad, Ida Kathrine Scheel, Dennis Solvåg Løvold. Ikkje til stades: Leander Bjøringsøy Bondhus Foto: Ståle Hansen

Nedanfor kan de sjå ein kort videokollasj av alle bakgrunnane i aksjon på scena (diverre berre filma med eit mobilkamera), i tillegg til eit biletgalleri med alle bakgrunnane.

P.S. Då me naturleg nok ikkje har rettane til å publisere video med Beatles sin musikk så ligg det berre eit rettigheitsklarert lydspor frå Audioblocks oppå videoen.